రాజధర్మం
రాజధర్మం
రాజధర్మం పేరిట జరిగిన అకృత్యాలు
కోట గోడలు దాటని వెర్రి కేకలు
విషాదమును మ్రింగిన బానిస బతుకులు
వేడుకల చాటున వేదనపడ్డ జీవాలు
ఏదో చెప్పాలని
రుధిరాశ్రువులు పాళీలో నింపుకుని
కర్కశమైన లోకంలో
మనిషి అనే విచిత్ర ప్రాణిని గమనిస్తూ
ఎత్తుగడలను సవాలు చేస్తూ
సగం కాలిన శవాల గుట్టల మధ్య
యుద్ధానికి బలైన వారి దేహపు చర్మాల మీద
మానవత్వం బ్రతికే ఉందని నమ్మి (నమ్మించడానికి)
నేను ఓ కొత్త చరిత్ర వ్రాస్తున్నా
చదివే ధైర్యం ఉన్న వారికి అంకితమిస్తున్నా
రాజధర్మం పేరిట బలిగొన్న మనసుల వ్రణాలకి
అక్షర లేపనాలు పూస్తున్నా