పసి మనసు
పసి మనసు
1 min
419
కోపం చూపిస్తే దూరం దూరం అంటుంది
అక్కున చేర్చుకుంటే కలిసిపోతుంది
తప్పులని ఒప్పులుగా మార్చుకుంటే
పోనీ అలాంటి అవకాశమైనా ఇస్తే
నిన్ను హత్తుకుపోతుంది
ఇదంతా నా గోస మాత్రమేనా
నీకు అర్థం అవుతుందా
లేకుంటే నేనే కలలు కంటున్నానా
కలయో నిజమో వైష్ణవ మాయో అని పాటలు పాడుతున్నానా
అంతేలే
నీ కన్ను నా పెదాల మీద నవ్వును చూడగలదు
నా మనస్సులోని భావాల్ని చదవలేదుగా
అవమానించు
అసహ్యించుకో
ఏదో రకంగా నీతో ఉండాలనే తాపత్రయం
కనీసం ఒక చేదు జ్ఞాపకంగా అయినా ఉంటా
నిన్ను ప్రేమిస్తూ
నీ ఆనందం కోసం ప్రార్థిస్తూ జీవించే పసి మనసిది నేస్తం!