పరువు పోటీలు

మనిషంత పొడవు టీవీలు కావాలి

పార్కింగ్ ఉన్నా లేకపోయినా కారు కావాలి

కొత్తగా మార్కెట్లోకి వచ్చిన ఫోను కావాలి

కావాలంటే కావాలి

లేకుంటే మన పరువేం కావాలి

అయ్యో అంత తక్కువ ఫీజులా

ఇంక చదువు చెప్పినట్టే సరి

లక్షలు కుమ్మరిస్తాం అని 

స్కూలు ముందు నిలబడాలి

లేకుంటే మన పరువేం కావాలి

షాపింగులూ పార్టీయింగులూ

ఇంకా వీలుంటే గేమింగులూ

లేకుంటే మన పరువేం కావాలి

అక్షయ తృతీయనాడు గ్రాము బంగారం కూడా కొనలేక 

మరుసటి ఏడుకు కోరికలను మార్చుకునే బ్రదరూ!

నీ జీతం చీమ తలంత

ఖర్చులేమో ఏనుగు శరీరమంత

తరాలు మారినా తారలు రాలినా

మన మధ్యతరగతి కుటుంబాలకి

తప్పవుగా ఈ పరువు పోటీలు

పొరుగింటి మంగళ గౌరి వేసుకున్న గొలుసు చూడు

అని చురక అంటుకునే సందర్భాలు

ఏదో అలా కానిచ్చేద్దాం బ్రదరూ.