మోక్షమదే

భక్తిమాటు మరణభయం..దూరమైన మోక్షమదే..! 

పూజమాటు కోర్కెగొడవ..దగ్దమైన మోక్షమదే..! 

సత్యమెంత స్పష్టముగా..బోధపడిన అంత హాయి..

చిరునవ్వుల పూలతోట..సొంతమైన మోక్షమదే..!

వెన్నంటే నీడంటే..నాది-నేను భా'వనమే..

ఆ వనమే సరిగ కాలి..మాయమైన మోక్షమదే..!

మనసుకన్న మోసగించు..నేస్తమెవ్వ రుండరులే.. 

తనే కాస్త నిన్ను వదిలి..శూన్యమైన మోక్షమదే..!

హాస్యాస్పద ఊయలేమి..కాదుచూడు తనువన్నది.. 

చిత్తశుద్ధి బుద్ధిలోన..పూర్ణమైన మోక్షమదే..!