ప్రశ్నార్ధకం

ప్రశ్నార్ధకం.....

ఏ ఏ ఏ ఏ

చీకట్లను చీల్చుకు కొత్త వుదయాలు పుట్టాలి

ఏ ఏ ఏ ఏ

ఎరుపెక్కిన నేత్రాల ప్రశ్నలకు కొత్త జవాబులు అన్వేషింపబడాలి

చుట్టూతా శూన్యం

అలజడులూ అలికిడులూ నిస్తేజం

ముంచుకొచ్చిన ప్రళయం

స్తబ్దతలు సందిగ్దతలు ఏలుతున్నవి రాజ్యం

మందుగుండు సామగ్రిని మోస్తున్నవే

ఆ నడుస్తున్న గుండెలు

ముట్టుకుంటే చాలు భళ్ళున పగిలే

నీటి బుడగలు ఆ జీవితాలు

ఇచ్చోటనే

సమాధి కాబడుతున్నవి

కలలూ కన్నీళ్లు

ఇచ్చోటనే 

కూలబడి కుదేలు అవుతున్నవి

భావితరపు బతుకులు

మందూ విందులకై ఎగబడుతున్నవి

రేపటి సమాధులు

రేపటి రోజులనిండా నిండుకుంటున్నవి

గతకాలపు ప్రశ్నలు

సుధామురళి