పెంపుడు జంతువు

ఇష్టపడ్డ బంగారు పంజరం

అందులోని చిలుకకు ఒక సంబరం

పదే పదే తన పలుకులు వింటూ

తనను గొప్ప అంటూ

తన చుట్టూ తిరిగే ఒక కుటుంబం

తన బిడ్డ కడుపు సగం నింపి

యజమానికి లీటర్ల పాలిచ్చి

ఆ ఇంటి లక్ష్మిగా వెలుగొందే

గోమాతకు ఒక వందనం

గుప్పెడు మెతుకులు పెడితే

గొప్పగ కావలి కాస్తూ

విశ్వాసం చూపించే శునకానికి 

ఆ ఇల్లే ఒక సామ్రాజ్యం

అనాదిగా 

పెంపుడు జంతువులైనవి

మనిషి క్రూరత్వాన్ని గ్రహించలేకపోయాయా

లేక తెలిసీ 

ఇంకా మనతోనే ఉంటున్నాయా

స్వేచ్ఛను మరిచాయా

మరపించిన మనిషికి

కృతజ్ఞతను తరాల వెంబడి చూపిస్తున్నాయా