ప్రకృతిలో ప్రణయం..
ప్రకృతిలో ప్రణయం..
లేళ్లు నెమళ్ళు
సెలయేటి సందళ్లు
కుందేళ్ళ చప్పుళ్ళు
కొత్త చివుళ్ల కళకళలు
దరహాసము చేయుచున్న సఖిని చూసి
పూల తీగల ఊయల పట్టి
ఆమె దరి చేరి
సరసమాడి మెప్పించి
నూతన ఉత్తేజం కలిగించాడు
పూవుల దాగిన తేనెను
పెదవులకంటించి
అతనికి రుచి చూపినదామె
కంటి రెప్పల కిటికీలు
ప్రతిబింబములను దాచి
మరల మరల చూపించినవి
సమయము ఎరుగక క్రీడించి
వలపు వసంత మంటపములో
గ్రీష్మము వరకూ ఎదురు చూసిరి
ప్రకృతిలో ప్రణయం చూసి
పక్షులు వసంతమును మరింత కాలము ఆగమని చెప్పెను..