ప్రకృతి ఒడిలో పయనిద్ధాం

కాపాడుకుంటే ప్రకృతి తరగని ఊట బావి

అమ్మలకన్నా అద్భుత దయామయి

మౌనంగా మనందరినీ పెంచే బాధ్యత గల నాన్న 

అత్యాశతో పాలిచ్చే పాలిండ్లను కోసేస్తే

భుజాల పైకెక్కి నాన్న నెత్తిపై మోదితే

కక్కుర్తితో కడుపెల్లా మెక్కితే అజీర్తి

చక్కరొచ్చేలా తిన్నదంతా కక్కిస్తది

ప్రకృతిని గుండెల్లో పొదిగితే వృక్షమైతది

నమ్ముకున్న దైవంలా కాపాడుకుంటే

కంటికి కనిపించే దేవతై

చల్లని చూపుతో కరుణిస్తది

కాయోపండో కాదు కాతనందించి

మట్టిలోంచి అమృతాలను పంచుతది

ఆకాశం నుంచి కిందికి దిగొచ్చి మైల కడిగేస్తది

ప్రకృతి దయ తెలిస్తే కంటి నిండా నిద్ర

కడుపులకు కమ్మని భోజనం

ఆత్మగల్లా భవిష్యత్ జీవనం

ప్రకృతి చెవులు, ముక్కు కోసి, అత్యాచారం చేస్తే

కడుపు శోకం మిగిలిస్తే

ఎండలై కరుస్తది, వరదలై, వడగళ్ళై ముంచుతది

కడుపు చించుకుంటే కాళ్ల మీద పడ్డట్లు

గోద లాంటి ప్రకృతికి పుండు చేసి ముళ్ళు గర్రతో పొడిస్తే

వికృత రూపాన్ని విశ్వవ్యాప్తం చేసి దెబ్బతీస్తది

ప్రకృతి ఒడిలో హాయిగా పయనిద్దాం

ఆత్మగల ఆప్తుల్లా కాపాడుకుందాం

ప్రకృతి తరగని సంపద జాగ్రత్తగా చూసుకుంటే

ప్రకృతిని తనివి తీరా ఆస్వాదిస్తే

అందమైన అనుభూతి అద్భుతాలు

జీవుల జీవనమంతా ప్రకృతిలోనే

పయనం, పరిసమాప్తం కావాలి ప్రజోపయోగం

ప్రకృతిలో విలీనమయ్యేంతవరకు