గ్రంథాలయం
ప్రొఫైల్
పరిమళించే పుష్పాలు
పరిమళించే పుష్పాలు
1 min
448
తను పుట్టినప్పుడు నాటిన మొక్క
చిన్నప్పటి నుంచీ తను కోస్తున్న పూలు
వాటి పరిమళం
చిన్న కుక్క పిల్ల వెంట పరుగెత్తడం
బిందెల్లో నీళ్ళు మోయడం
అమ్మమ్మతో జడలు అల్లించుకోవడం
మళ్లీ తెల్లవారేక
పూలు కోయడం
ఆటలు
పాటలు
దోస్తులు
అన్నీ అక్కడే
ఇప్పుడు
మూడు ముళ్ల తర్వాత
తను కొంగున కట్టుకుని
ఏమేం తీసుకెళ్లగలదు
అమ్మనా అమ్మమ్మనా
జడ రిబ్బన్లనా
పూల మొక్క శాఖను తీసుకెళ్ళింది
వెళ్ళిన చోట కూడా
ఆ పుష్పాలు పరిమళించాలని..
