ప్రేమా ! ఓ ప్రేమా !
ప్రేమా ! ఓ ప్రేమా !
ప్రేమా ! ప్రేమా ! ప్రేమా ! ఓ ప్రేమా !
నీవో అద్భుత భావనవా !
మాటల్లో చెప్పలేని అర్థమే నీదా ?
మనిషి అడుగడుగులోని
చెఱకుగడ తియ్యదనం నీవేనా !
మమ్మల్ని మేము చూసుకునే
చూపుల్లో దాగేవా ?
తెల్లనిమల్లెల నవ్వులనే మాలో
మురిపెంగా పూయించేవా !
ఒకరితో మరొకరిని కలిపే
ఊహల సీతాకోకచిలుకవా ?
రంగురంగులలో కనిపించి
మా మనసులనే అలరించేవా !
కలలో సముద్రపు అలలా
ఇరువురిని దరిచేర్చేవా ?
కమ్మని ఊసులనే పంచి
గట్టి నమ్మకాన్నే కలిగించేవా !
మాలోని ప్రేమను తెలిపే
అక్షరలక్షల సొబగువా ?
మా జీవితాల్లో వసంతాన్నే
మళ్ళీమళ్ళీ తీసుకొచ్చేవా !