ఆడుతూ పాడుతూ ..!
ఆడుతూ పాడుతూ ..!
అందరు తమకుతాము
జీవితంలో తగిన స్వేచ్ఛను కోరెదరు .
స్వీయసాధనలో ఉందని
అధిక సంతృప్తి , అలా చేసెదరు !
ప్రపంచంలోని ఏ ప్రాంతంలోనైనా
ఇంటి నిర్వహణలో
మహిళలు విశేషసేవలకు కర్తలు .
అందుకు అందుకుందురు పొగడ్తలు !
మంచి సామాజిక వ్యవస్థలోనే
ఆడపిల్లగా పుట్టాక
చదువుసంధ్యలకు ఉన్నత అవకాశం ;
కోరికలు గుర్రాలైతేనే అసలు
అవలీలలుగా అందుకోగలం ఆకాశం !
ప్రేమగా వైవాహికజీవితంలో అడుగిడి
తల్లిగా ఆమెది మరోజన్మ .
ఆ లోగిలో ప్రాణప్రతిష్ఠకు పాటుపడి
మమతలకు మారుపేరయ్యే అమ్మ !
అసాధారణ ఓర్పు , నేర్పులతో
సమాజనిర్మాణంలోనూ
ప్రశంసలను ప్రోగేసే దివ్యపథం ;
గమ్యంవైపు పయనించే ప్రగతిరథం !
ఆడుతూ పాడుతూ ధరించే
చిరునవ్వులే ఆమెకు వన్నెతెచ్చే సింగారం ,
మధురస్మృతులు మెరిసే బంగారం !