పదముల సంయోగం- వచన కవిత
పదముల సంయోగం- వచన కవిత
పదముల సంయోగం - వచన కవిత :
27.06.2021 కవీశ్వర్
జనించిన శిశువు - కమనీయ సుస్వర ఆర్ద్రత
పదప్రయోగ భావ విన్యాసం -ప్రతి క్రియాశీలత
శబ్ద శృతి అర్ధవంతం - సర్వ శక్తి యుత భవిత
ఆలోచనా ఫలితం - రాగ కళా యుక్త సంయోజిత
అక్షర లేఖన రచనం - పద మంజీర సమ్మోహన రూపిత
ఆ పద మంజీర సాకారం - సురుచిర వాక్య నిర్మాణ భవిత
సురుచిర వాక్య సారూప్యం - గద్య - పద్య రచనక్రమణిత
కవి-రచయితల అలంకృతం - ఈ సుందర సమ్మోహన నెలఁత
వ్యాఖ్య : " కవి-రచయితల పదప్రయోగ ఖేలన వేదిక ఈ కవితా - గేయ - గీత రచనల కౌముది.
రచనల ఆదరణీయ ప్రతిక్రియ ఈ వేదికలనుండే వెలువడుతుంది.
కవి - రచయితల ఆదరణ ఇక్కడినుండి కీర్తి ప్రతిష్టలను పెంచుతుంది".