ఒక ఎంపిక

అర్థం లేని ఆలోచనలు

నిరర్థకం అనిపించే వ్యాఖ్యలు

ఎందుకు అనే దేహాల సందేహాలు

ప్రశ్నలు వింటిని వీడిన బాణాలు

అంతటా నువ్వే కనిపిస్తుంటే

ఆకాశగంగ పాలపుంతను నీ నవ్వుల పలువరుస ఆక్రమిస్తుంటే

నేనొక నిర్ణయం తీసుకున్నాను

నిద్రా భంగిమను మార్చి 

ప్రేమకూ కోరికకూ మధ్య

ఒక ఎంపిక చేసుకున్నాను 

అరుణారుణ కాంతులు నన్ను తాకాయి

కొత్త విశ్వం ఒకటి ఉద్భవిస్తోంది 

నువ్వు లేని ఆ లోకంలో నేనే ప్రేమను

సమస్త కోరికల రూపాన్ని కూడా నేనే 

ఇక ఈ సంతోషానికి అవధులు లేవు

అరే

కరెంటు పోయినట్టుంది

కొత్త లోకంలో కూడా

ఏదో కుడుతోంది

ఇక్కడ కూడా దోమలున్నాయేంది

నా కొత్త విశ్వం ఏమైంది!