నవ్వొచ్చెను

కోపానికి తనపైనే..కోపమొచ్చి నవ్వొచ్చెను..! 

తాపానికి తనపైనే..మోహమొచ్చి నవ్వొచ్చెను..!

అక్షరాల వనసీమకు..సాక్షిలాగ మనసున్నది.. 

దేహానికి తనపైనే..రాగమొచ్చి నవ్వొచ్చెను..! 

కాగితాల దొంతరలో..కలకలమే కలానికని.. 

కలహానికి తనపైనే..ద్వేషమొచ్చి నవ్వొచ్చెను..! 

ఆరాధన మాటమరచి..మైమరచెను ఈ కనులే.. 

సరసానికి తనపైనే..ఇష్టమొచ్చి నవ్వొచ్చెను..! 

ఖాళీగా ఉండేందుకు..నచ్చదుగా ఊహకసలు.. 

హృదయానికి తనపైనే..కవనమొచ్చి నవ్వొచ్చెను..!