నన్ను తాకిన మేఘం

నన్ను తాకిన మేఘం

ఇళయరాజా సంగీతం

వేటూరి సాహిత్యం

సాగుతుంది నా యదలో అమృత నర్తనం

నిన్ను కదిలించిన రాగం

సాయం సంధ్యలో సింధు భైరవి

ఉషోదయంలో రేవతి

పాడింది మధుర కీర్తనం

నన్ను ఆడించిన తాళం

ప్రదోషంలో శివతాండవ స్తోత్రం

సూర్యోదయంలో మహా గణేశ పంచరత్నం

నిన్ను వలచిన లగ్నం

శుభలగ్నాల శ్రావణం

మనువులాడే మాఘం

నన్ను నిన్ను కలిపింది

వేళా పాళా లేని తరంగాల పయనం

పౌన: పున్యాల సంగమం

నేను నువ్వు తాగిన మేఘం

రాపిడితో కరిగిన ప్రేమ లాంటి వర్షం