నిశ్చల ప్రేమమూర్తి

నిశ్చలప్రేమమూర్తి

.......................

నరునిగా నీవెంత నిర్లక్ష్యం చేస్తున్నా

తరువుగా తానెన్ని సార్లైనా

ఛస్తూపుడుతోంది నినుప్రేమిస్తూ

**       **      **

తాను బ్రతికున్నంతకాలం........

ఎండలో వానలో ఛత్రమైకనిపిస్తోంది

ఫలమై రసమై ఆకలితీరుస్తోంది

ఔషధమై రోగాల్ని తరిమేస్తోంది

విషాల్ని వడగట్టి ప్రాణవాయువందిస్తోంది

**      * *   &nb

Advertisement

sp; **

నీవే తనని కూల్చిచంపినా

నీ నివాసమై సేవచేస్తోంది

నీవు ఛస్తే నీతో పాటుసహగమనం చేస్తోంది

**        **        **

యుగయుగాలుగా నిరంతరంగా

నీతో సహచరిస్తున్న ధర్మమూర్తి!

నిన్ను ప్రేమిస్తున్న నిశ్చలప్రేమమూర్తి!

వృక్షమే సుమా! ఇక గ్రహించుమా!

గౌరవించుమా!

ఇక తరించుమా!

పెంచుమా! ప్రేమపంచుమా!

హరితాహ్లాదకలితంగా

మహదానందభరితంగా

మహినిమార్చుమా! మర్త్యమిత్రమా!