నిందలు

అదేదో సామెత చెప్పినట్టు

నిజాయితీ గా బతికేటోడికే

రాలుగాళ్ళ రాళ్ళ దెబ్బలట

నిందలు మోపడమే తప్ప

నిజ నిర్దారణ లు వుండవు

నీతులు చెబితే నచ్చవు వారికి

అసూయ అహాలు ఆవహించి

నిండు మనసును గాయం చేస్తారు

నిండు మనిషిని కుప్పకూలుస్తారు

ఆ నీలమేఘశ్యాముడికే తప్పలేదు

నీలాపనిందలు మోయడం

చింతిస్తూ చీకటిలోనే కూర్చుంటే

నిలువునా నిన్నే దహించేస్తుంది

నిజమైతే నిరూపించి చూపించు

నిజం కాదంటే నవ్వి ఊరుకుంటే సరి

అసూయకు తొలిమెట్టు నింద

చేతగాని తనానికి చిరునామ నింద

అందుకే..నిందలకు బెదరకు

ఉలిదెబ్బలకు శిల్పం రూపుదిద్దుకున్నట్టు

గాయాలకు వెదురు వేణువైనట్టు

నిప్పుల కొలిమి నుండి బంగారంలా

మేలిమై మరింత మెరుగులు దిద్దుకోవడమే

నిందలు మోసేవాడి ప్రథమ కర్తవ్యం