నీపనిలే

నీ నవ్వే అసలు ఆస్తి..పంచటమే నీ పనిలే..!

నీ మనస్సు నీ శ్వాసన..చూడటమే నీ పనిలే..!

తిరుగేమీ ఆశించని..తత్వమేగ ప్రేమంటే..

ఏ జీ విని నొప్పించక..ఉండటమే నీ పనిలే..!

సొంతమైన దేమున్నది..పంతాలకు పోయేందుకు..

అసలు చెలిమి చిరునామా..కావటమే నీ పనిలే..!

అంతులేని పగలతోటి..జన్మలెన్ని ముగిశాయో..

వివేకముతొ చిత్తశుద్ధి..పొందటమే నీ పనిలే..! 

తప్పుకొనుట తెలియకనే..ముళ్ళదారి పాలవటం..

సరసయుక్త సంభాషణ..నెఱపటమే నీ పనిలే..!