నీ మీద ప్రేమయ్యో ..!

( కవితలా చదవండి )

నీమీద నాకు ప్రేమయ్యో

ఆ మాట నీకేమో చెప్పలేక సిగ్గయ్యో

నీమీద నాక్కూడా ప్రేమమ్మో

ఆ సంగతి నీతో చెప్పాలంటే అదెమ్మో

( నీమీద )

ఎప్పుడు కనపడ్డా అదే ఇదయ్యో

నావద్దకు ఈరోజే రావయ్యో

వచ్చేస్తా నీ కౌగిలికి వినవమ్మో

తీర్చేస్తా ఆ దాహం తొందరలో చూడమ్మో

( నీమీద )

సందెచీకట్లు ముసిరేవేళ

జాబిలమ్మ వెన్నెల కురిసేవేళ

మల్లెలవాసన పీల్చేసి

రేయంతా ముద్దులతో ముంచేసి

నా ముచ్చట తీర్చేలా రావయ్యో

మగసిరికల బావయ్యో నీవయ్యో !

చల్లగాలి వీచేవేళ

సంద్రంలో కెరటాలే ఎగసేవేళ

మంచెకాడ పక్కేసి

చేపపులుసు ఘుమఘుమగా చేసేసి

నాకోసం ఆత్రంగా చూడమ్మో

నీ వయసును దాచెయ్యక పంచమ్మో !

( నీమీద )