నిద్రపోవాలి

బాగా నిద్రపోవాలి

అలారం మోత లేని నిద్ర

ఒత్తిడి లేని రోజు కోసం నిద్రపోవాలి

ఓ వైపు ప్రతి వారం కొత్త సినిమా

రోజూ ఓ కొత్త షో

అది చూడలేదా 

అయ్యో ఇది కూడా చూడలేదా

ఏదో ఒకటి చూడు

ఇలాంటి కామెంట్స్ కి పోటీ పడుతూ

అర్థరాత్రి వరకూ స్మార్ట్ ఫోన్ వాడడం

ఆ మరుసటి రోజు ఆఫీసు మీటింగ్ లో ఆవులించడం

కుదిరితే వాష్ రూం లో కాసేపు కునుకు తీయడం

ఇవన్నీ ఆపేసి

నిద్రపోవాలి

బాగా నిద్రపోవాలి

ఈ ప్రపంచంలో నాకు ఇష్టమైన నిద్రను

నిద్రపోతూ ఆరాధించాలి

నిద్రా దేవత ఒడిలోకి జారిపోవాలి

మళ్లీ రేపు లేవాలండోయ్..

ఇప్పుడు నిద్ర పోవాలి..

గుర్ ర్ గుర్ ర్