నా నవ్వే దీపావళి
నా నవ్వే దీపావళి
అప్పుడే దాటింది ఏడాది
ఎదురీతలో తెలీలేదు ఈసారి
వచ్చింది దీపావళి పండుగ
వీధుల్లో టపాకుల శబ్దం నిండుగా
మన ఇంటి ముందు మాత్రమే స్తబ్దుగా ఉంది
ఒంటరిగా వెలుగుతున్న దీపం రెపరెపలాడింది
అచ్చు నా మనసులా
ముందరి వాకిలి కర్టెన్ గుడ్డ ఓ అని ఎగురుతోంది
నా ఆశలాగా
అంతలో వీధి గుమ్మం దగ్గర నువ్వు కనబడ్డావు
ఉన్నపళంగా చీర సర్దుకుంటూ పరుగెత్తాను
నువ్వు నన్ను హత్తుకున్నావు
అసలైన పండగ నీ నవ్వుతో వచ్చింది
స్మశానంలా ఉన్న ఈ మనసులో
చెంగలువలు వికసించాయి
ఇద్దరం కలిసి బాణసంచా కాలుస్తూ
అమావాస్య రాత్రిని వెలుగులతో నింపేశాం
అప్పుడు చెప్పావు నువ్వు
నా నవ్వే దీపావళి అని
నేను కిలకిలమంటూ నవ్వేశాను
అని ఆమె దీపావళిని మళ్లీ గుర్తు చేసుకుంది