మర్యాద మర్యాద

నువ్వంటే ఇష్టం

నువ్వుంటే ఇష్టం

ప్రేమ లేకున్నా నువ్వుంటావా

ప్రశ్నలెందుకు అంటావా

ఇలాంటి ప్రశ్నలు వేసే చాలా మందిని దూరం చేసుకున్నావ్ 

అని అంటావా

అంతా బానే ఉంది

ఆ స్టైల్ ఆ నవ్వులు

ఇవన్నీ చూసి పడిపోవడం

దగ్గరికెళ్ళి వాళ్ళు మర్యాద ఇవ్వకపోతే

భంగపడి వెనక్కు రావడం

జీవితంలో ఎంత ముఖ్యమైన వ్యక్తి అయినా

ఎంత అందమైన వ్యక్తి అయినా

ఆ వ్యక్తి నీకు మర్యాద ఇవ్వనప్పుడు

నీ ఆలోచనలకు విలువ ఇవ్వనపుడు

ఆ ప్రయాణం ముళ్ళ దారే అవుతుంది

మరి పొద్దూకులూ ముళ్ళు తీసుకుంటూ

ప్రారభ్దాన్ని తిట్టుకుంటూ వెళ్లాలని ఉండదు కదా

అందుకే నాకు నువ్విష్టం

నువ్వుంటేనే ఎవరైనా ఇష్టం

మర్యాద లేని ప్రేమ దేనికి

బతుకులో ఆశల్ని మట్టి పాలు చెయ్యడానికి కాకపోతే

అందుకే 

మర్యాద మర్యాద