మనసు మారేనా..
మనసు మారేనా..
1 min
613
కనులు కలిసినా
నీ చేతి వేళ్ళు నన్ను గిల్లినా
నా కళ్ళలోని కన్నీరు ఆగేనా
నా మనసు మారేనా
అలక నాకేమీ ఆభరణం కాదు
నీ నుంచి రావాల్సిన సమాధానం లేదు
నా ప్రశ్న కొత్తది కాదు
కానీ గొప్పది
నువ్వూ నీ వంటి వారెవ్వరూ చెప్పలేనిది
క్షణికమైనదే సుఖం అయితే
దానికి ప్రేమ పూత ఎందుకు
పోత పోసిన శరీర శిల్పాలకు వెలకట్టడం ఎందుకు
ఉలి దెబ్బలు తిని శిల శిల్పం అవుతుందంటారు
కానీ ఆ ఉలికి నీ లాంటి స్వార్థం ఉంటే
ఏ శిలైనా కళా విహీనమే అవుతుంది
నాలా ఒక మూల మొండి గోడలా మిగులుతుంది.