మధ్యతరగతి జీవితం

చెదిరిన కలలు , 

ఆవిరైన ఆశలు

వీడని కష్టాలు ,

భరించలేని బాధలు

భారమైన బాధ్యతలు , 

వెక్కిరిస్తున్న సమస్యలు 

పెరగని ఆదాయాలు , 

తరగని అప్పులు

కొండెక్కిన నిత్యవసర ధరలు

పెనుబారమైన రోజువారి ఖర్చులు

విపత్కర పరిస్థితులు , 

క్లిష్టమైన సవాళ్లు, వీటన్నింటి 

మధ్య అనుక్షణం నలిగిపోతూ , 

ప్రతిక్షణం, చస్తూ బ్రతుకుతూ తనను 

విశ్వసించిన వారి కోసమై 

తను ఒంటెద్దు బండిలా మారి

ఈ జీవితమనే బతుకు బండిని 

లాక్కెళ్ళుతు , బ్రతుకుకై

బతుకుతో పోరుచేసె ప్రతి 

మధ్యతరగతి జీవితం కష్టతరమే!  

ఆ కష్టాన్ని మాటల్లో చేతిరాతల్లో 

వర్ణించడం సులభమే కానీ...! 

ఆ స్థానంలో ఉండి ఆ కష్టాన్ని 

అనుభవిస్తే తప్ప ఆ బాధేంటో ,

ఆ కష్టమేంటో ఎవరికి అర్థమవ్వదు!