క్షణక్షణం

గుప్పిట పట్టుకున్న ఇసుక రేణువులు జారుతున్నట్లు

ఏదో కంగారు

నడుస్తున్నా

చూస్తున్నా

ఇంకేదో చెయ్యలేదు అనో

ఇంకా చెయ్యలేదు అనో

చెప్పలేని భావాల గుట్ట పెరుగుతోంది అనో

వయసు వెళ్ళిపోతున్న భావన

మరి అది ఇవాల్సిన అనుభవాల్ని ఇస్తోందా అనే శోధన

పరుగెత్తడం ఇష్టం లేక పాలు తాగడం మానాలా

నిలబడే ఓపిక లేకున్నా నీళ్లు తాగకుండా ఉండాలా

గతానికీ భవిష్యత్తుకూ ఒక శతృత్వం కల్పించాలా

ఏమైనా ఇంక చాలా

క్షణక్షణం కలిగే ఎమోషన్

భయమే అనాలనిపిస్తోంది

నాకు నేను దూరమైనా 

దగ్గరున్నట్టు నటించాల్సిన భయం

నా చుట్టూ ఉన్న గొప్ప నటులతో పోటీ భయం

క్షణక్షణం 

భయం భయం

మీకు లేదా భయం

లేక మీకు భయమే లేదా..