కొత్త సంవత్సరం

కొత్త సంవత్సరం వస్తుంది మళ్ళీమళ్ళీ .

ఎంత అద్భుతమో ,

సూర్యునిచుట్టూ తిరుగుతూ భూమి

మరలమరల మనకోసం

రోజులను , వారాలను సినిమా రీలులా

కళ్ళముందుకు

తీసుకొస్తుంది విశ్వంలో తాను తుళ్ళీతుళ్ళీ !

ఆడుకోమని , పాడుకోమని ప్రోత్సహిస్తూ ,

వాతావరణాన్ని

అందుకు అనుగుణంగా మార్చుతూ .

ప్రకృతిసంపదను ఫలాలుగా అందిస్తూ ,

శక్తి అనే ఇంధనాన్ని అందరికీ

ఎక్కడున్నా పరిపూర్ణంగా ప్రసాదిస్తూ !

మనసులోగిలికి కట్టే ఆశలతోరణాలకు

శుభాకాంక్షలతో రాగా పచ్చదనం ,

పలుకరిస్తూ వరుసగా వచ్చే పండుగలకు

కలిగే ఉత్సాహం మన హృదయాలను

పులకింపజేసే అమూల్యధనం .

ఇచ్చి ప్రతి ఒక్కరికి తమజీవితాల్లో

కొత్తదనాన్ని ఆహ్వానించుకునే అవకాశం ,

అంటుంది సవాళ్ళను విసురుతూ

నాగరికతనిచ్చెన మెట్లెక్కే మనిషికి

హద్దు ఎప్పుడూ ఆకాశమే అని ,

కాలం ఒడిలో ఈనాటి ఊయల తనని ,

ఆనందంగా మున్ముందుకు సాగమనీ !!