జీవనజ్యోతి

పుట్టినంట పెరిగిన చిట్టి చేమంతి

అత్తింట అడుగిడిన అందాల ఇంతి

భర్తకు ముద్దు మురిపాల పూబంతి

అత్తమామలను భక్తితో సేవించు పడతి.

భర్త వంశాకురాన్ని తన గర్భాన మోస్తుంది

బిడ్డలకు జన్మనిచ్చి పెంచి పెద్ద చేస్తుంది

ఆటపాటల్లో, చదువుల్లో మేటిని చేస్తుంది

దేశభక్తినిగా, వీరునిగా తయారు చేస్తుంది.

బంధు బాంధవులను ఆదరించేది

అందరికీ తలలో నాలుకలా మెలిగేది

పిన్నలను ప్రేమించి, పెద్దలను గౌరవించేది

పుట్టింటి, అత్తింటి పరువు నిలిపేది.

భర్త హృదయ సీమకు మహారాణిగా

ఇంటిని పరిపాలించే గృహ దేవతగా

అందరి మన్ననలు పొంది, ఒద్దికగా

మెలుగుతుంది తన ఇంట జీవనజ్యోతిగా.