పెండ్లి పిలుపు

నీ రాకకై వేచి ఉన్నాను నేను

ఎంతకూ కానరాక నీ జాడను

నా మది వ్యాకుల చెందెను

నిను చూడలేని దినమును

కలయందైన తలుప జాలను

నీవు కరి మబ్బుల మాటున

పున్నమి చంద్రుడవై దాగిన

మెదలదా ఈ చెలి నీ తలపున

చూడ రావేమి నన్నొక్క మారైన

నీకు కోపమెందులకో నా పైన

రేగెను నా ఎదలో అలజడి

విని నీ మెత్తని అడుగుల సడి

నా లయ తప్పిన గుండె సవ్వడి

ఆర్చుకు పోయె గొంతులోని తడి

తాపము వలన ఒడలంతా వేడి

కనులు ఒలికించు మౌన గీతం

కానీ నా పెదవి దాచని మౌనం

నీ వీనుల చేరిన శ్రావ్య రాగం

నా హృది లోని మధుర భావం

ఏమి చేయుదువో నీదే భారం

నీ పెదవుల మెరిసిన మెరుపు

నా బుగ్గల్లో తెచ్చె నిగారింపు

ఎదలో సుస్వరాల సవరింపు

మన కలయికకది కొత్త మలుపు

అందరికీ ఆనందాల పెండ్లి పిలుపు.