హీతవరీ

నీ పలుకుల మధుధారన..తడవనిమ్ము హితవరీ..! 

నా గొప్పను నీ గొప్పగ..చాటనిమ్ము హితవరీ..! 

బీజమేదొ చూడలేక..నేను మొక్క నిక్కునే.. 

సత్యముతో ఎఱుకలోన..ఉండనిమ్ము హితవరీ..! 

నాదేమియు లేదన్నది..రుజువైనది చూడనే.. 

నా లోపలి నిన్ను సరిగ..కూడనిమ్ము హితవరీ..! 

ఆటలెన్ని ఆడితినో..ఎంత మోసమయినదో.. 

ఈ మనస్సు దోబూచులు..ఆగనిమ్ము హితవరీ..! 

రుచులవెంట పరుగుతీయు..గుణమెలాగ రాలునో.. 

కన్నులింటి యజ్ఞవాటి..వేయనిమ్ము హితవరీ..! 

కరిగిపోని తరిగిపోని..సౌందర్యము మరేదట.. 

నీ మంగళ జ్యోతినలా..గాంచనిమ్ము హితవరీ..!