గిజిగాడా

నీది కాని పూలతోట..వీక్షించే గిజిగాడా..!

సత్యమేదొ చూపాలని..భావించే గిజిగాడా..!

గింజకొరకు వెతుకులాట..సంగతేమొ తెలియదులే..

ఉనికి కొఱకు పెనుగులాట..సాగించే గిజిగాడా..!

అందమైన నీ గూడే..చెదిరిపోయె, నీవెక్కడ..

కొమ్మకొమ్మ కలవరింత..పండించే గిజిగాడా..!

కిచకిచమను ఆ ముచ్చట..జాడేమో లేకపోయె..

లేత ఊచ బియ్యాన్నే..ప్రేమించే గిజిగాడా..!

వడిసెల గురి కందకుండ..ఎలా ఎగిరి పోయావో..

వలసపోయి కనిపించక..మరణించే గిజిగాడా..!