ఎక్కడిదాకా !
ఎక్కడిదాకా !
మనిషిచూపులు ఎక్కడికి అంటే ,
కంటికి కనిపించే వస్తువులేమిటో తెలిసేదాకా .
అదే , ఊహలు ఎక్కడికంటే ,
పుస్తకంలో చదివిన విశ్వపుటంచుల దాకా !
కానీ , ప్రేమలో పడ్డవారికి ఒకరికొకరే లోకం ,
ప్రతినిమిషం తపించి మురిపించేదే చిద్విలాసం .
వాని ఆశలకు శ్వాస కావాలని ,
ఆనందంలోని అనుబంధానికి కారణమవ్వాలని .
ఎదురుగా తానే ఎపుడూ కనపడాలని ,
నవ్వుల పువ్వులు కురిపించాలని .
ఉదయమే శుభములు ఫోనులో ,
సాయంసంధ్య వరకు సమయం ఊసులలో .
నచ్చేరంగుల దుస్తులు
ధరించినచో ముఖం చంద్రబింబం .
బహుమతులూ
అందినచో ఆకాశపుచుక్కల పందిరిలోనే
కాసేపు ఆనాటి విజయవిహారం .
ఏకాంతంలో ఇద్దరు గడపగా సరదాసరదా .
ఛలోక్తులు విసరగా సిగ్గులవరదే మధురంగా .
విరామం వస్తే క్షణమొక యుగమని నిట్టూర్పులు .
అనుకున్నది అసలు జరగనేలేదా
దేవదాసు పార్వతనే వినిపించును ఓదార్పులు !