దూరంగానే ఉంటా

ఆశల్ని దాచుకుంటా

వాటిని కన్నీళ్ళల్లో చూసుకుంటా

ఇక ఇంతే నేస్తం

దిగజారిన అభిప్రాయాలు గెలవవు కష్టం

అయినా నే నిన్ను మరవను

పూలల్లో దారంలా కలవను

నువ్వే పిలిచినా పలకను

ఏదో కావాలని అడగను

నే విసిగిపోయాను

నీ ప్రతి అపజయానికీ కారణంగా

నీ ఎదుగుదలకు అడ్డంకిగా

నువ్వు ప్రయోగించే అపవాదుల తూటాలు

నీ దురదృష్టాల నమ్మకాలు

అందుకే నే దూరంగా ఉంటా

నా హద్దుల్లో నేనుంటా

మనసుకి సమాధానం చెప్పుకుని

కన్నీళ్ళల్లోని ఉప్పును ఉపయోగించుకుంటా