బ్రతుకు

సంపాదనె ధ్యేయమనే భావనలూ రానీయకు
సంతానము బాగుకొరకు నీపరువుని పోనీయకు

ఎంతమంది ఎన్నోచెప్పి ఊబిలోకి లాగిననూ
చివరంటా బ్రతుకునిచ్చు నీతన్నది విడనాడకు

మనిషికైన మనసుకైన నిబ్బరమన్నది ముఖ్యం 
గాలికంటె వేగమైన ఏపడతిని మనువాడకు

ఆత్మగౌరవముంటేనే మనిషికి మనుగడ సాధ్యం
లిప్తపాటు సౌఖ్యాలకు నీవెపుడూ దిగజారకు

ప్రేమించే మనసుంటే ధైర్యాన్ని ప్రదర్శించు
కనిపించని చీకటిలో ఏభామకు కనుగీటకు