బ్రతుకు బాటలో

గడచిపోయిన కాలం గంగ కలిసిన నీరు కాదు

నేర్చుకున్న పాఠం నేలకు ఒలికిన బీరు కాదు

అనుభవ మెన్నడు బూడిదయిన సిగరెట్ కాదు

జీవిత మెన్నడు దారం తెగిన గాలిపటం కాదు

 సుఖమిస్తుందని శాశ్వత నిద్ర పనికి రాదుగా

పొందు సుఖమిస్తుందని బలవంతపుది కాదుగా

విందు ఉచితమే కానీ అజీర్తిచెయ్య కష్ట తరమేగా

బరువు మోయలేని ధనం మూట పరుల పాలేగా;

పాలనుంచీ వెన్న కావాలంటే పద్ధతంటూ ఉన్నది

ప్రాణం సుఖంగా ఉండాలంటే పద్ధతంటూ ఉన్నది

సరయిన విత్తు తరాలకు ఫలమందిస్తూ ఉంటుంది

నీ పెంపకం మంచిదైతే నీ వంశమట్లే పెరుగుతుంది;