బ్రహ్మ విద్య

ఒక చెట్టుతొ ఒక పక్షితొ..మాటాడుట బ్రహ్మవిద్య..!

అదేపనిగ నిన్నునీవు..గమనించుట బ్రహ్మవిద్య..!

ఏ పూవులు కోస్తావట..ఏ దేవుని పూజింపగ.. 

కాంతిపూల తోటలలో..విహరించుట బ్రహ్మవిద్య..! 

దేనికైన బాధెందుకు..ప్రయోజనం ఏమున్నది.. 

చిరునవ్వుల సెలయేఱుగ..జీవించుట బ్రహ్మవిద్య..!

ఒక వెన్నెల పాటలాగ..మనసు ఎప్పుడయ్యేనట.. 

నాటకమని తెలిసితెలిసి..మసలుకొనుట బ్రహ్మవిద్య..! 

ఆటాడే పనేలేదు..ఆటసాక్షి కావడమే..

నిశ్చలాగ్ని వానలోన..నిలచుండుట బ్రహ్మవిద్య..!