అపవాదం అపశబ్దం

తెలిసి తెలియనివారు వినిపిస్తారు కర్ణ కఠోర కర్కశ అపవాదం,

అందరి అనుచిత వాదం తోటి చేయలేము వ్యర్థ ప్రతివాదం,

మదాంధ మదచిత్తులై సృష్టిస్తారు అనవసరమైన ఉన్మాదం,

కడకు మిగులుస్తారు విరసమైన విరక్తికరమైన విషమ విషాదం |౧|

చిత్తము చిదపటానికి చీల్చటానికి చాలును ఒక అన్యాయ పదం,

మండేగుండెల్లో రగిలిన సుడిగుండం చేసెను ఆర్తితో ఆర్తనాదం,

ఈ అప్రియమైన ఆఘాతానికి పదాలలో చెయ్యలేము అనువాదం,

అనూహ్య చెడు చేదు అనుభవాలతో వచ్చెను ఆలోచనలో భేదం |౨|

కొంతమంది నోట ఎప్పుడు ఉంటుంది అయిష్టమైన అపశబ్దం,

విన్న అనంతరం ఆరంభమయ్యెను అసహ్యమైన వాదోపవాదం,

అందమైన బాంధవ్యాలలో దూరమయ్యెను ఆమోదం ప్రమోదం,

అపవాదం అపశబ్దంలో దుర్భాషి వెతుకును అవస్థపెట్టే ఆనందం |౩|