అన్నదాత ఆకలి కేక. : కవీశ్వర్

అంశం :అన్నదాత ఆకలి కేక, 

  శీర్షిక : ఇచ్చుటలో ఉన్న హాయి .....: వచన కవితా సౌరభం : 11. 07. 2021 

 ఇచ్చుటలో ఉన్నాహాయి వేరెచ్చటనూ లేదోయి - 

రైతన్న కృషి యే మిక్కిలి ప్రజోపయోగమేనోయి 

ప్రకృతి కరుణాపూర్వక చైతన్యం సకల జనుల అభివృద్ధోయి 

ప్రకృతి - వాతావరణ సమతౌల్యం మనిషి యొక్క కృషే నోయి 

ఏరువాక నుండి రైతన్నలు పొలం పనులనారంభింతురోయి

విత్తనాలు,ఎరువులు , ఔషధాలువారికి దొరకడం కష్టతరమోయి

చచ్చి- చెడినారుపోసి పంటలను పండించి కల్లం పై రవాణా 

అమ్మకం చేసినా వారి పెట్టుబడి - యేలుబడి వారల నిర్లక్ష్యమొయి 

 ఆనందంగా జీవించడానికి ప్రయత్నించినా సాధ్యం కాదోయి 

రుణాల ఊబిలో కూరుకుపోయి , నిరాశా నిస్పృహల్లో గడిపేదరోయి 

ఇంతజరిగినా రైతన్నలు పంటలను జనానికి ఇస్తున్నారోయి 

జనుల ఆరోగ్యాభివృద్ధి రైతన్నల చేతులలోనే ఉన్నదోయి 

జనులఆనందాన్నితమ ఖుశి గా తలచికృషిసల్పుతున్నారోయి

జీవన యాత్రలో ఎన్నెన్నో ఒడిదుడుకులు , కష్టనష్టాలోయి 

తట్టుకున్న రైతు మొండితో తమ జీవనం సాగిస్తున్నాడోయి 

లేనివారు తమ జీవితాన్ని అర్ధాంతరంగా చాలిస్తున్నారోయి 

ప్రభుతకు , అధికారులకు అంత ధ్యాస, తీరిక ఎక్కడిదోయి?

ఎవరెలా పొతే పోనీ పోరా , రైతులు నాకేమి పట్టింపు లేదోయి 

మొసలి కన్నీరు కారుస్తూ చేసిన పథకాలు నిజమైన రైతులకు 

అందవోయి - ఎక్కడ వేసిన గొంగళి అక్కడనే ఉన్నదోయి 

 వ్యాఖ్య : “రైతన్నల ఆకలి కేకలు దేశమంతటా వ్యాపించినా ,

ఉద్యమాలు చేసినా వారి అభివృద్ధి నాలుగడుగులు ముందుకి

-రెండడుగులు వెనక్కి అనే చందమోయి”

కవీశ్వర్