అమ్మ

పిండమై తన గర్భాన చేరితే 

పేగుబంధమని మురిసిపోతుంది

నెలనెలా ఎదిగేక్రమంలో చిట్టిపాదాలతో 

తన్నితే చక్కిలిగింతలతో చల్లగా నవ్వుతుంది

అప్పుడే పుట్టిన పసిపెదవులు పలికే 

తొలిమాటే అమ్మయితే దేవుడు నేర్పిన మాటలంటూ పొంగిపోతుంది

నడకనేర్చుతుంటే నా అడుగులతోడుగా

కదిలే అడుగులు ఆమెవవుతాయి

గతితప్పి పడుతుంటే  

కాచే రక్ష ఆమె చేతులు  

కదిలే ప్రతికలం అమ్మని అన్వేషించి

తమ అక్షరాలలో రత్నంలాపొదుగుతుంటే

ఇంకేదో భావం మిగిలిపోయిందనేలా 

సకలభావాల ఝురి ఆమె