కలల సౌధం
కలల సౌధం
రెక్కలగుర్రంపై నా కలలసౌధానికి ఎగిరివెళ్ళాను
రతనాల రాదారిపై కమనీయ దృశ్యాలు
ఒక్కొక్కటి నను పలకరిస్తున్నాయి
పాలకోనేటిలో బంగారు కలువపువ్వులు
కోకిలమ్మ గానం నెమలమ్మ నాట్యం
అమృతాన్ని గ్రోలే అందమైన పక్షుల కువకువలు
పసిడి లేడి పరుగులు
చెంగుచెంగున గెంతే చెవులపిల్లులు
పచ్చని ప్రకృతిలో పరమళించే
రంగరంగుల పుష్పాలు
వాటిచుట్టూ పరిభ్రమించే సీతాకోకచిలుకలు
ఈ అద్భుతాలన్నీ చూస్తూ చివరికి
నాకలల రాకుమారుడి చెంతకు చేరాను
మనసుపంచే వేళయ్యిందంటూ
ఇంతలో మెలకువ వచ్చింది
మళ్ళీ నా నిరీక్షణ మొదలు
అతనికోసం కాదుసుమా
తననిచేరే స్వప్నాలరేయికోసం.