అద్భుత దీపం - కలల సాకారం వచన కవిత

అద్భుతదీపం - కలల సాకారం వచన కవితా సౌరభం : కవీశ్వర్ ( Prompt - 5 )

పిడికిలంత గుండెలో - సంద్రాన్ని మించిన ఆశలు 

మనసంతా నిండే - అమలుకై క్రొత్తక్రొత్త  కోరికలు

ప్రయత్నించినా తీరనిచో - చెలరేగెను నిరాశలు 

తీరినవేళ కలిగెను మనకు - ఆనంద హే లికలు 

అద్భుత దీపమ్ము దొరికె లే - తృటిలో తీరును కామనలు 

వానికి పెరిగెను గర్వమ్ము - దర్పమ్ము ఇంకా సోమరితనములు 

కన్నుకుట్టి పెరిగిరి స్వార్థముతో - చిటికెసినంతలో అరులు 

భయముతో జీవించసాగె - తోచకపాయె రక్షించుకొన సిరులు 

ఆతను తలచినచో - కష్టార్జితకలిమి ఉందును ఎక్కువ కాలాలు 

కరిగిపోవును తింటూ కూర్చున్న - కొండలంతఉన్న సిరులు 

రక్షింపనెంచ సంపదను తెలివితో - దయార్ద్ర హృదయులై,పొదుపరులై 

అట్టివాడే బలవంతుడు , ధీమంతుడు గుణవంతుడు ఈ యుగములో 

వ్యాఖ్య : " అదికూడా ఆతని కర్మలు, గుణాలు , ఆలోచనలు పెడదారి పట్టనంత వరకే ."

కవీశ్వర్ జయంత్ కుమార్ - 05.05.2021