ఆరు ఋతువుల కాల చక్రం - కవితా

ఆరు ఋతువుల కాల చక్రం - ఋతు గమనం { కవితా గీతం }

పల్లవి : ఆరు ఋతువుల కాల చక్రం - ప్రకృతి కాంత తిలక రత్నం

పవన మారుత వీవనక్రమం - జీవన చలిత మలయ సమీరం

|| ఆరు ఋతువుల కాల చక్రం ||

చరణం ౧. చైత్ర మాస వికసిత వసంతం - మది పులకిత సోయగం

హృదయ రమ్య చలిత విశాఖం - వెచ్చ వెచ్చని గ్రీష్మ తాపం

వర్ష ఋతువున మృత్తికా ఆఘ్రాణం - పాడి పంటల గతి అనంతం

ధరణి ఇచ్చిన ఫలిత మది స్వీకృతం - ప్రకృతి అందాలే పరమ పావనం

|| ఆరు ఋతువుల కాల చక్రం ||

చరణం ౨ భాద్రపదమున గణేశ కీర్తనం - నవరాత్రి గతిని చూపే భక్తి భావం

ఆశ్వయుజము న శక్తి స్మరణం - ఆకాశాన చంద్రికల కాంతి కిరణం

కార్తికాన కోటిదివ్వెల ఆశా ప్రకాశం - ధనుర్మాస రాధా మాధవం

చక్ర భ్రమణ త్వరిత కాల గమ్యం - శీతల పవన హేమంతం

|| ఆరు ఋతువుల కాల చక్రం ||

చరణం 3 హేమంతంలో వసంతం , శిశిరం లో చైత్రం - ప్రకృతి కాంత పులకిత జీవనం

త్వరిత ఋతు కాల గమనం - సకల జనుల విహారం ఆహ్లాద కరం

లోగిళ్ల భోగం,సంక్రాంతి లక్ష్మి ఆహ్వానం - శిశిరంలో రంగుల వలయం

కాముని దహన వసంత కుమార సంభవం - ఈ ఋతువుల చక్ర భ్రమణం

|| ఆరు ఋతువుల కాల చక్రం ||

@@@@@@@ కవీశ్వర్ .

కే. జయంత్ కుమార్

రాజేంద్రనగర్ . హైదరాబాద్.