ఆమె నాకేం ఇచ్చింది

ఆమె నాకేం ఇచ్చింది 

వసంత పువ్వుల నవ్వులను తనకు రువ్వి 

నాకు గ్రీష్మం మృత ఆకుల కన్నీళ్లను పోసింది

మెత్తని పూరేకుల సోయగం తనకిచ్చి 

వాడి పాడై ఎండిన కాయాన్ని నాకు ఇచ్చింది

ఆమె నాకేమీ ఇచ్చింది 

సుఖసంతోషాలు తనకిచ్చి 

దుఃఖాలు నాకు తెచ్చింది 

గులాబీ పువ్వులను తనకు పంచి 

ముళ్ళతో నా గుండెను గుచ్చింది 

పరిమళాలను తనకు వెదజల్లి 

రోత కంపును నాకు పుసింది

ఆమె నాకేమి ఇచ్చింది

మైదానంలో సారం తనకు ఇచ్చింది 

బంజరు భూముల్లోని రాళ్లను నాకు ఇచ్చింది 

జీవరసములను నలిపి మత్తును తనకి ఇచ్చి

నా ఎదపై తన్ని నాకు గుండెపోటుని ఇచ్చింది

ఆమె నాకేమీ ఇచ్చింది 

వర్షాకాలంలో వెచ్చని కౌగిలి తనకి ఇచ్చింది 

వేసవిలో వేడి గాలిని నాకు పంపింది 

వెన్నెల్లో వన్నెలన్నీ తనకి ఇచ్చింది 

వికార మృతదేహాన్ని నాకు ఇచ్చింది

ఆమె నాకేమీ ఇచ్చింది 

పరికిణిని తనకు పాన్పుగా చేసింది

పరిగ కంపను నా ముందుకు తోసింది

ముద్దు మురిపాలు తనకు ఇచ్చింది

ముండ్ల బాటను నాకు పరిచింది

ఆమె నాకేమీ ఇచ్చింది

ఆమె నాకు చేదు జీవితాన్ని ఇచ్చింది 

నన్ను అగ్నిపర్వతం చేసింది 

నన్ను నేను దహించుకునేల చేసింది 

నా గుండెల్లో ఎండమావులు పూయించింది

నా జీవితాన్ని సర్వనాశనం చేసింది 

ఆమె నాకు దుఃఖం ఇఛ్చిన దూరం చెయ్యను

నాకు బాధలను పంచిన బదితురాలను చెయ్యను

నా ఖ్యాతిని కీడెంచినా, సమాజంలో నన్ను దూషించిన

ఆమెను దుఃఖపు దారుల్లో వదిలి వెయ్యను

ఆమె నాకేమీ ఇచ్చిన, 

నేను ఆమెను ప్రేమిస్తూనే ఉంటాను.....