Library
Profile
விருப்பத்திருப்பங்கள்
விருப்பத்திருப்பங்கள்
புதிதாக
ஒரு தோழி கிடைத்திருக்கிறாள்
எதோரிரவில்
எதேச்சையாகப் பேசத் தொடங்கியின்று
எதிர்வந்த எதிர்மறைக் கருத்துக்கள்
வழிவந்த விருப்பத்திருப்பங்கள்
தயங்கி நின்ற தசைத்தடைகள் தாண்டி
தவிர்க்க முடியாதவளாக
தன்னிலை ஊன்றி நிற்கிறாள்
என்மீது அன்பு செலுத்த
அவளிடமுள்ளது
ஒரே ஒரு நிபந்தனைதானாம்
என் இதயவெளியிலமர
இதுவரை யாரும் அமராத
இருக்கையைத் தர வேண்டுமாம்
அவளுக்காய் புதிதாக
உண்டாக்கிக் கொடுத்தால்
இன்னும் நலமாம்
இதேமாதிரி அனைவரும் கேட்
டால்
என்ன செய்வதென்றால்
எதிர்த்தர்க்கம் பேசாதே
எவரோடுமெனக்கு உறவில்லை
எனக்கானதைக் கொடுத்தால்
உன்னோடிருப்பேனென்கிறாள்
இல்லையென்றால் இழப்பு
உனக்குத்தானென்கிறாள்
இப்படி வேண்டிய எல்லோருக்குமாகக்
கொடுத்துக் கொடுத்துக் களைப்புற்றும்
நானே அமராத இருக்கையொன்று
நாட்கணக்காக இருக்கிறதெனக் கூறியழைத்து அமர்த்தியிருக்கிறேன்
அன்புற்றமர்ந்தோர் பலரால்
துன்புற்றுடைந்து சிதறிய
அநேக இருக்கைகளுக்கு நடுவில்
அலகிலா விளையாட்டுடை
அன்பின் தேவதையாய் ...
