வாசிப்பும் நேசிப்பும்

 பட்டாம்பூச்சிகளாய் துள்ளித் திரியும்

சிறு கிள்ளைகளெலாம்

பட்டுப் பூச்சிகளென

வீடெனும் கூட்டிற்குள்

முடங்கியே - ஆட்டம் பாட்டம் மறந்து

மின்னணு சாதனங்களின் பிடியில்

உணவு உறக்கம் மறந்தே

இயந்திரமென உழல -

வெளியே நோயுமே

தன் பங்கிற்கு ஆட்டம் காட்ட

நாட்களும் ஓடி மறைய

சாதனங்கள் அலுப்பு தட்ட

புத்தகங்கள் - அந்நேரத்தில்

கிள்ளைகட்கு உற்ற துணையாக

பிறந்ததே - வாசிப்பின் மீதே

புதிய நேசமே !