நூலகம்
சுயவிவரம்
நாம்
நாம்
1 min
51
இந்த அதிகாலை மழை
பெரிதாக வேண்டும்
இன்னும் பெரிதாக
இந்த நாள் முழுக்கபெய்ய வேண்டும்
இந்த வாரம் முழுக்க பெய்ய வேண்டும்
இந்த மாதம் முழுக்க பெய்யவேண்டும்
இந்த மழைக்காலத்தையும் தாண்டி
பெய்யவேண்டும்
நாம் வேறு எதைப்பற்றியும்
சிந்திக்கக்கூடாது
மழையப்பற்றியே சிந்திக்கவேண்டும்
வேறு எந்த சப்தமும் காதில் விழக்கூடாது
மழைச்சத்தம் மட்டுமே கேட்கட்டும்
வேறு எந்தக் காதலும் தகிக்க வேண்டாம்
மழைநேரத்து காமம் மட்டுமே நிரம்பட்டும்
எவ்வளவு மழை பெய்தும்
நெஞ்சில் எரியும் துயரத்தின் தழல்
தணியவில்லையே என்கிறாய்
அன்பே
மழையில் நனைந்தபடி
கிளைகளில் அமர்ந்திருக்கும்
காகங்களெனெ நாமும் இருந்திருக்கலாம்
இப்போதுபார்
எவ்வளவு மழை பெய்தும்
நாம் கொஞ்சம்கூட நனையவே இல்லை
