மண் - மழை - காதல்

மண் பெண்ணவளை

காணக் காத்திருந்து

காலங்கள் உருண்டோட -

ஏக்கத்தோடே மழைக்காதலனும்

அலைமோத - காற்றும்

சமயத்தில் சிறு கிள்ளையென

அலைக்கழித்து ஆட்டம் காட்ட

வனிதையவளை நெருங்கும் நொடிதனில்

குடையெனும் தடை ஒன்றை

விதித்தவரும் எவரோ ?

தடைக்கல்லும் எமக்கிங்கே படிக்கல்லே !

குடைக் கம்பிகளூடே வழிந்தோடியே

கம்பி நுனியில் நின்றபடியே

பளீரென மின்னிச் சிரித்தே

துள்ளிக் குதித்து

நில காதலியை

முத்தமிட்டு - துள்ளாட்டமிட்டது

மழைத் துளி !