குழந்தைத் தொழிலாளர்களுக்கு வாழ்வளித்தத் தாய்

ஆரம்பப் பள்ளிக்குச் சென்று படிக்கும் வயதில்!

செங்கல் சூளையில் பணிபுரியும் குழந்தைத் தொழிலாளர்களே!

குழந்தைகள் செய்த தவறுகள் என்ன?

இந்த உலகில் வந்து பிறந்தது தான் ஏனோ?

 

குழந்தைகளின் பாதுகாவலன் குடும்பத்தலைவன்!

எப்பொழுதும் போதையில் ஆழ்ந்து இருக்கும் குடும்பத்தலைவன்!

குடும்பம் மற்றும் குழந்தைகளை மறந்த குடும்பத்தலைவன்!

குழந்தைகளின் எதிர்காலத்தினை பற்றிக் கவலை கொள்ளாத குடும்பத்தலைவன்!

 

பத்து மாதம் சுமந்து பெற்றெடுத்த குழந்தைச் செல்வங்கள்!

கண்ணீருடன் குழந்தை பணிபுரிவதைத் தாய் விரும்புவாளா?

 

கணவனின் கடமைகளைத் தன் மனதிலே சுமந்தாள் இந்தக் குடும்பத்தலைவி!

குடும்பத்தின் பசிப் பிணி போக்கிடக் கூலி வேலைக்குச் சென்று வந்த குடும்பத்தலைவி!

தன் குழந்தைகளைத் தொழிலாளர் பணியிலிருந்து விடுவித்து அரசு ஆரம்பப் பள்ளியில் சென்று கல்வி கற்க வைத்த குடும்பத்தலைவி!

குடும்பத்தின் துயரங்களை உணர்ந்து குடும்பப் பொறுப்பினை முழுவதும் ஏற்றுக் கொண்டு குழந்தைகளைப் பட்ட மேற்படிப்பு வரை படிக்க வைத்த குடும்பத்தலைவி!