ଭିନ୍ନ ଏକ ମାଆ
ଭିନ୍ନ ଏକ ମାଆ
ରୋଜା ପଣ୍ଡା
ଭିନ୍ନ ଏକ ମାଆ ଯିଏ ତାର ପୁତ୍ରକୁ କହେ,
"ତୁ ଗାନ୍ଧୀ , ଗୋପବନ୍ଧୁଙ୍କ ପରି ହବୁ"
"ତୁ ଜନ୍ମମାଟି ପାଇଁ ଜୀବନ ଦବୁ"
ସେଇ ମାଆ , ଯିଏ ଆଜିର ମାଆ ନୁହେଁ
ଏ ଯୁଗର ମାଆ ନୁହେଁ
ଯେଉଁ ମାଆ ତାର ସନ୍ତାନକୁ ଶିଖାଇବ ଯେ,
"ପୁଅ ତୁ ଡାକ୍ତର ,କି ଇଞ୍ଜିନିଅର ହବୁ,
ଓକିଲ କି ଅଫିସର ହବୁ"
ଇଏ ସେଇ ମାଆ , ଭିନ୍ନ ଏକ ପୃଥିବୀର ମାଆ
ଯିଏ ତାର ପୁତ୍ର କୁ ହାତ ଧରି ଶିଖାଏ,
"ଗାନ୍ଧୀ ,ଗୋପବନ୍ଧୁଙ୍କ ପରି ଏ ଦେଶ ପାଇଁ ଜୀବନ ଦବୁ"
କାରଣ ପଚାରିଲେ ପୁତ୍ର ---
ମାଆ ତାର ଉତ୍ତରରେ କହେ,
"ଡାକ୍ତର କି ଇଞ୍ଜିନିଅର
ଓକିଲ କି ଅଫିସର ହେଲେ ଅବସର ପରେ ତତେ ସମସ୍ତେ ଭୁଲିଯିବେ
ହେଲେ ଗାନ୍ଧୀ ଓ ଗୋପବନ୍ଧୁ ପରି ହେଲେ ଏ ପୃଥିବୀର ପ୍ରତ୍ୟେକ ଜନତା , ଜୀବଜନ୍ତୁ , ପାଣି ପବନ
ତତେ ଚିରକାଳ ମାନେ ରଖିବେ" I
ଭିନ୍ନ ଏକ ପୃଥିବୀର ମାଆ
ନିଜ ଛାତିରେ ପଥର ଲଦି ପୁତ୍ର ମଥାରେ ବିଜୟ ଟୀକା ଲଗାଇ
ପଠାଇଦିଏ ନିଜର ବହୁମୂଲ୍ୟ ଜୀବନ ବିନିମୟରେ
ରକ୍ଷା କରିବାକୁ ଅନ୍ୟର ଜୀବନ
ସେଇ ମାଆ ପୁଣି ଯନ୍ତ୍ରଣା ଓ ଦୁଃଖରେ ପୁତ୍ରକୁ ଅନ୍ୟର ଜୀବନ ପାଇଁ
ହରାଇବାର ଶୋକରେ କାନ୍ଦି ଉଠେ
ଥରାଇ ହୃଦୟ ଆଉ ଅସ୍ଥିର ହୁଏ ତାର ମନ I
ରୋଜା ପଣ୍ଡା
ପୂର୍ଣ୍ଣାନନ୍ଦ ଭବନ
ନେତାଜୀ ନଗର, ମଧୁପାଟଣା,
କଟକ- ୭୫ ୩୦୧୦
E Mail: roja.saumya@gmail.com