ସପନ
ସପନ
ରାତିରେ ଆସି ଯେ ନିଦ କରେ ଚୋରି
ସେ ପରା ତୋହର ସପନ ଲୋ ଗୋରୀ
ସପନେ ସିନା ତୁ ଆସୁ ସବୁଦିନ
ସତରେ କେବେତୁ ଆସିବୁ ଲୋ ଧନ
ସ୍ୱପ୍ନ ମୋର କେବେ ସତ ହେଇଯିବ
ମୋ ଘରେ ତୋ ପରି ଜହ୍ନ ଟେ ଉଇଁବ
ଅଗଣାକୁ ମୋର ସାତ ରଙ୍ଗେ ଭରି
ତୋ ହସରେ ମୋର ଘର ଯିବ ପୁରି
ଚାନ୍ଦିନୀ ଆକାଶେ ଲାଜେଇ ପଡିବ
ଯେବେ ଲୋ ସେ ତୋର ମୁହଁକୁ ଦେଖିବ
ଫଗୁଣ ବି ଆସି ଆଉ ନଫେରିବ
ତୋ ଦେହ ବାସ୍ନାରେ ବିମୋହିତ ହେବ
କୋଇଲି ତୋ ପାଇଁ ଗୀତ ଗାଉଥିବ
ମଳୟ ପବନ ତତେ ଛୁଇଁଯିବ
ମୋ ସପନ ସତେ କିବା ପୁରା ହେବ
ପ୍ରେମରେ ତୋହର ମୋ ଦେହ ଭିଜିବ