ଆମ ନୂଆ ଅତିଥି

ଜହ୍ନମାମୁଁଟିଏ ଆସିଲା ହସି 

ଆମ ଅଗଣାରେ ପଡିଲା ଖସି

ଖିଲି ଖିଲି ହସ ଦେଖି ତାହାର

ଖୁସିରେ ମୋ ମନ ହୁଏ ଅଧିର

ପାଟି ଯେବେ ତାର ଖୋଲିବ ସତେ

ସାନ ମାଆ ବୋଲି ଡାକିବ ମତେ

ମେଳାକୁ ତାକୁ ମୁଁ ବୁଲେଇ ନେବି

ଖେଳନା ତା ପାଇଁ କିଣି ଆଣିବି

ପାଠ ପଢ଼ାଇବି ତା ହାତ ଧରି

ଜ୍ଞାନ ତା ମୁଣ୍ଡରେ ଦେବି ମୁଁ ଭରି

ବଡ ହେଲେ ଭଲ ମଣିଷ ହେବ

ସାରା ରାଇଜର ସେବା କରିବ

ଆମ ଘରର ସେ ସରଗ ତାରା

ତାପାଇଁ ମେଲିଛି ଖୁସି ପସରା

ସର୍ବଦା ପ୍ରଭୁ ହେ ତାପାଖେ ରୁହ

ଆଶିଷ ତୁମର ଅଜାଡି ଦିଅ ।